Plantun de Prouvènço

Pèr coumpara dos planto d'encò nostre

Taxus baccata & Spirodela polyrhiza

Tueis

Taxus baccata

Taxaceae

Àutri noum : Liéu, Ife, Aubre-de-vido, Ourmin, Bos-de-la-santo-Baumo.

Noms en français : If, If commun.

Descripcioun :
Lou tueis, aubre que se rescontre dins li relarg umide de colo, èi pas di mai coumun. Defèt es esta derraba pèr li païsan que si fueio soun proun empouisounanto pèr li bèsti. Se recounèis à la coulour roujo de soun pège e à si fueio en aguio, bèn verdo dessubre e mai claro dessouto. Li pèd mascle e femello soun diferènt. Li femello porton, au mes d'avoust li "fru" roujo (arile) .

Usanço :
La planto es empouisounanto dins tóuti si partido aleva l'arile roujo qu'èi poussible de manja pèr eisèmple en counfituro. Avisas-vous de pas garda la grano negro (fotò) ! D'ùni produ chimi dóu tueis soun estudia que poudrien èstre bon pèr lucha contro lou cancèr (taxol).

Port : Aubre
Taio : Pancaro entresigna
Fueio : aguio escaumo
Tipe bioulougico : Pancaro entresigna
Cicle bioulougico : Pancaro entresigna

Gènre : Taxus
Famiho : Taxaceae

Coulour de la flour : Brunello
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno - Ribiero
Estànci : Pancaro entresigna
Couroulougi : Pancaro entresigna
Ref. sc. : Taxus baccata L., 1753

Lentiho-d'aigo(-di-noumbróusi-racino)

Spirodela polyrhiza

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule à nombreuses racines.

Descripcioun :
Aquesto lentiho dóu gènre Spirodela trachis sus lis aigo tranquilo. Fai de foundo de grando taio (5 à 10 mm), e se recounèis eisadamen à si noumbróusi racino. Lou dessouto es espoungous e souvènt rouge (fotò).

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo, o encaro emé d'iòu.

Port : Erbo
Taio : 5 à 10 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Spirodela
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero
Estànci : Mesoumediterran
Couroulougi : Subretroupicalo
Ref. sc. : Spirodela polyrhiza L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Taxus baccata & Spirodela polyrhiza

ges

Coumpara Tueis emé uno autro planto

Coumpara Lentiho-d'aigo(-di-noumbróusi-racino) emé uno autro planto